Pas si moules que ça....

Écrit par Raymond

De quoi vous plaignez-vous, les Chtis, on vous aime bien, la preuve...........

Jeudi dernier, la cour administrative d'appel de Douai a tranché : elle autorise Henri et Maxime Monbrun, mytiliculteurs normands, à installer 22 500 pieux de moules sur la plage de Sangatte.

O veyez bien, mes gins, qu'o z'avez tort d'vous plainte, tout l'monte i vous a querre, y compris chez Normands. La preufe, i n'a deux qui veul'tent bien installer des pieux à moules dsus l'plage d'Sangatte.

A m'n'avis, cha sérot fort intéressant d'leu deminder pourquoi dins l'Pas de Calais plutôt qu'à Deauville, Honfleur ou Cabourg...........

I pourrotent, pétête, vous réponte qu'ches moules alles adorent les belles plages d'sape fin, l'bon-ne iau d'mer iodée et qu'i n'y a qu'ichi qui n'a, pont in Normandie!

Et si o dijez que l'plage d'Sangatte alle va ête foutue, qu'alle va puer l'gasoil, qu'i n'y éra pus d'tourisses, qu'ches commerces i vont freumer, qu'cha va faire du chomache, i vont sûr'mint vous traiter d'mauvais français qui n'pinsent qu'à s'trimper dins la mer plutôt que d'permette à des paufes gins d'gagner leu croûte.

Heureus'mint, ches Comités d'définse i vont rattaquer in cassation, cha va rallonger ein tiot peu, mais j'a fort peur qu'in leu donne tort in fin d'compte. Ben ouais, ches normands i vont mette in avant l'crétion d'implois ( mein-me si i vont in créer ein' dijaine et qu'leu installation alle va mette des centaines d'gins dsus l'carreau ( commerçants, services in particulier).

A dé mes gins et portez-vous fort quand mein-me!