Fier d'être Chti
Mi j'ai gramint voyager
Ed gauche à droite ed tous cotés
Et même à l'étranger
Mais in a biau tournicoter
Y a eune chosse qu'in oublie jamais
Ch'est l'indrot du qu'in est né
Ch'est l'pus biau ed tous les pays
Et mi j'sus fier d'être un cht'i mi
Intre chés corons et chés terrils
Ch'est dins ch'coin là qu'j'ai grandi
In avot pas gramint d'sou à m'maison
Mais s'qu'in avot in l'avot gagné
In avot pas p't'ête pas des millions
Mais au moins in avot not'fierté
A ch't'époque là in avot tertous du boulot
El chomache personne n'in voulot
In armontot ses manches ed quemiches
In laissot pas l'gardin in friche
Et si in connaissot un malheureux
In ne l'laissot pas tout seu
Y avot toudis un reste ed ragout pour li
Eune tasse ed café ou un bon demi
Eune plache au coin de ch'feu
Quand y n'avot pour un n'avot pour deux
A ch't'heure si tout y a cangé
Y a eune chosse que j'sais
Ch'est qu'un ch'ti mi li y cange pas si ch'est un vrai
Dins sin cœur y a eune flamme qui s'éteindra jamais
| < Précédent | Suivant > |
|---|
Commentaires
à dé fieu et cor bravo!
Bravo pour ces belles pièces de poesie! J'ai circulé la première aux membres de notre amicale ici à washington et tout le monde a compris même avec le peu d'éducation au Ch'ti qu' on a tous. Ca a été un vrai plaisir pour beaucoup. Je decouvre les autres aujourd'hui !